1.КИРИШИМЛИ БЎЛИНГ. Атрофингиздаги инсонлар билан тез тил топишиб, яхши алоқалар ўрнатишга ҳаракат қилинг. Бу имконият айнан сизнинг ҳаётингиз ва келгуси каръерангиз учун фойдалидир.
- КЎПРОҚ ИЛМ ОЛИНГ. Бу дунёда илм олишдан-да фойдалироқ нарса бўлмаса керак. Ўзингиз учун фойдали деб ҳисоблаган барча нарсани – китоб, янгиликлар, маслаҳатларни ўқинг. Илм олиш орқали атрофингиздаги одамлар, ўзингиз, дунё ҳамда муваффақиятга осон эришиш йўллари ҳақида мулоҳаза қила оласиз. Ўқиш сизнинг ақл равонлигингиз ва фикрингиз ривожланишини таъминлайди.
- СОҒЛИГИНГИЗ УЧУН ЭЪТИБОРЛИ БЎЛИНГ. Эрта тонгда югуриш ва кундалик спорт машғулотлари учун вақт ажратинг. Шунингдек, гигиенага кўпроқ аҳамият беринг. Умуман соғлиқ учун қайғуриш бу ёш ўтиб боргани сари қўлланади дегани эмас, сиз бунга ёшлигингиздан амал қилсангиз ўзингиз учун фойдали бўлади. Қиладиган ишингизни алмаштиришингиз мумкин, аммо соғлом танани ҳеч қачон топа олмайсиз.
- ВАҚТИНГИЗНИ ВА ПУЛИНГИЗНИ БИЛИМ ОЛИШГА САРФЛАНГ. Таълим, билим олиш бу энг қимматли ва фойдали иш, унга сарфлаган вақтингиз ҳамда пулингизга ҳеч қачон афсусланмайсиз. Дунёқарашингиз, фикрлашингизни кенгайтиришга сарфланган пул ва вақт келажагингиз ва касбингиз учун албатта асқотади.
- ЯНГИ ҚОБИЛИЯТЛАРИНГИЗНИ КАШФ ҚИЛИНГ. Сиз ўз қизиқиш ва жўшқинлигингизни намойиш қиладиган янги қобилиятларни, очилмаган қирраларингизни ўрганинг ва бу сизга жуда яхши натижа беради.
- ДЎСТОНА АЛОҚАЛАРНИ ЎРНАТИНГ. Айни ҳозирги даврингиз ҳақиқий дўстлар орттирадиган пайтингиздир. Кейинчалик дўстларингиз сизни ҳаётингизда тўғри йўналишга таъсир қилувчи бўлишлари мумкин. Сиз ўсмирлик ёшида келажагингизга салбий таъсир қиладиган “ДЎСТЛАР”дан узоқроқ юрганингиз маъқул.
- ТЎҒРИ ОВҚАТЛАНИНГ. Истеъмол қилаётган овқатларингизни тўғри тартибга солиш учун вақт ажратинг ва озиқ-овқатларнинг соғлом рецепти бўйича изланинг. Шунингдек, уларни доимий овқатланиш тартибингизда қўлланг. Чипслар, турли тез тайёр бўлувчи таомлар ва газли ичимликлар истеъмол қилишни иложи борича камайтиринг. Келажак ҳаётингизга бефарқ бўлманг. Ушбу қоидага амал қилсангиз ёшликдагидек куч-қувват соғлом тана ва ёш кўринишга эга бўласиз.
- САЁҲАТ ҚИЛИНГ. Айнан ўсмирлик ёшларида бўлган куч-қувватингиз ва ўзгарувчанликка бўлган ҳиссиётларингиз шаклланади. Ўз вақтида уларга эркинлик яратинг. Сиз буни ҳаётингизда тажриба қилинг, турли давлатлар, маданиятлар ва турлича инсонлар ҳақида маълумотга эга бўласиз.
- ЯҚИНЛАРИНГИЗ БИЛАН КЎПРОҚ ВАҚТ ЎТКАЗИНГ. Туғилган кун, байрамларда яқинларингиз билан бўлишга ҳаракат қилинг. Оилангиз, яқин дўстларингизга эҳтиёж сезсангиз улар доим сизни қўллаб-қувватлаб туришади. Доим самимий бўлинг. Яқинларингиз учун вақт топишга ҳаракат қилинг, бундан асло афсусланмайсиз.
- АСЛИДА НИМА ХОҲЛАЁТГАНИНГИЗНИ АНИҚ БИЛИНГ. Ўсмирлик даврида ҳамма нарса ҳақида ўйлаш ва кўплаб маълумотларга эга бўла олиш жуда осон. Вақт ўтган сари одамлар ҳатто ўтирган ҳолда бемалол ўзлари хоҳлаган нарсалар ҳақида ўйласалар ҳам уларни унутиб қўйишади. Хушёрлик ва зийраклик орқали бу дунёдаги барча нарсаларни тушуна олишингиз мумкин. Фақатгина ташқи дунё эмас, балки ўз ўйларингизни ҳам тушинишга ҳаракат қилинг. Вақтингизни ёлғизликда ўтказиб туринг чунки бу сизга ўзингизни яхши тушуна олишингизда ёрдам беради. Ўзингиз ёқтирган ишларингиз учун ҳам вақтингизни бир қолипда тақсимланг ва буларни амалга ошириш учун ўз режаларингизни тузиб чиқинг.
Ушбу қоидалар ҳаётингизнинг ижобий томонга ўзгаришига ва келажакда сизга асқотишига ёрдам беради.- ЎзДЖТУ талабаси Жаннатой РЎЗИБОЕВА тайёрлади.
