Фуқаролар томонидан оддий грипп дея аталаётган ЎРВИлар аслида ўз вақтида даволанмаса ўзидан жуда ёмон асоратлар қолдириши сиз-у бизга сир эмас.
Бугунги кунда коронавирус инфекцияси бутун дунёда мутацияга учраб, бир неча турларда намоён бўлмоқда. ССВ маълумот беришича, жорий йилнинг 13 декабрь ҳолатига кўра, Ўзбекистонда коронавирус инфекцияси қайд этилганлар сони 101 нафарни ташкил этмоқда. Ҳудудлар кесимида пойтахт (57 нафар) биринчи ўринда эканлиги барчани хотиржамликка берилмасликка ундайди.
Коронавирус инфекцияси билан боғлиқ вазият юзасидан Ўзбекистон Республикаси Санитария-эпидемиологик осойишталик ва жамоат саломатлиги хизмати эпидемиология ва юқумли касалликлар профилактикаси бошқарма бошлиғи Рустамжон Икромов билан суҳбатлашдик.
– Коронавирус пандемияси давом этаётган пайтда республикамизда инфекцияга чалиниш ҳолатлари кўпайишининг сабаби нимада?
– Юртимизда касалликка чалиниш ҳолатлари ошиши карантин чекловларини жорий этилишига олиб келинадими?
– Юртдошларимиз орасида касаллик ҳолати ошиши карантин чеклови жорий этилишига олиб келади, деган саволлар юзага келмоқда. Энди касаллик ҳолати қанчага етса карантин чеклови жорий этилишига тўхталиб ўтсам. Ҳар юз минг аҳолига нисбатан касаллик ҳолати аниқланади ва мавжуд шифо ўринлари тўлса карантин жорий қилиниши мумкин. Агар касаллик ортса маълум бир шифохоналар беморларни қабул қилишни бошлайди. Бу бўйича ССВ режа ишлаб чиққан, соғлиқни сақлаш муассасасига талаб ортса ушбу шифохоналар очилади, ҳозирда талаб йўқ. Шундай экан хавотирланиш ўринсиз.
– Аҳоли орасида яна ниқоб тақиш каби карантин чекловлари ўрнатиладими?
– Шу ўринда касалликка чалинган ҳар бир киши бизнинг назоратимизда эканлигини айтиб ўтмоқчиман. Касалликдан ҳимояланиш учун ниқоб – энг яхши ҳимоя. Лекин бу ихтиёрий.
– Пойтахтимизда аҳоли орасида касаллик сонини ортишининг сабаби нимада?
– Касалликни тарқалиш тезлиги яқин муносабатнинг кўплигига боғлиқ деб айтиш мумкин. Буни Тошкент пойтахт эканлиги ва одамлар кўп ташриф буюриши, сайёҳлар сонининг кўплиги, туристлар орасида касалланганлар бўлиши мумкинлигида изоҳлаш мумкин.
– Юқумли касалликларнинг олдини олишда эмлашнинг аҳамиятига тўхталиб ўтсангиз.
– Вакцина касалликни даволамайди, касалликнинг олдини олади ва енгил ўтишига ёрдам беради. Биласиз, 2020 йилда касалликдан ўлим ҳолатлари юқори бўлди, анча одам қийналди. 2021 йилда барча турдаги вакциналари олиб келина бошланди. Танлаш имконияти берилди. Бу эса халқимиз орасидаги ваҳималарни йўқотди. Ҳозирда касалликка чалинаётганлар орасида оғир вазиятда бўлганлари йўқ, коронавирус енгил шаклда ўтиб кетяпти.
Коронавирус инфекцияси барчани огоҳ бўлишга ундайди, шундай экан хотиржамликка берилиш керак эмас. Инфекцияга қарши ҳозирда энг самарали усул – бу эмланиш ҳисобланади.
Касаллик қандай бўлишидан қатъий назар, инсон саломатлиги ва турмуш фаровонлигига жиддий путур етказади. Шу боис, ўз соғлигимиз бўлган масъулиятни ҳис қилган ҳолда, турли юқумли ва мавсумий касалликлардан эҳтиёт бўлайлик!
Зиёда РАСУЛОВА
суҳбатлашди
